PRETORIA-MARANATA, 20 November 2016 AD, 17:30
Votum
Seën
Ps 130:1,2
(2e beryming)
Gebed
Skriflesing:
Hebreërs 10:19-39
Ps 130:3,4
(2e beryming)
Teks:
Heidelbergse Kategismus Sondag 32
Preek
Ps 131:1-3
Gebed
Geloofsbelydenis
(sing)
Kollekte
Ps 25:4,6
Seën
Preek: Heidelbergse Kategismus Sondag 32
Daar was ‘n
keer ‘n baie ryk man, wat toe hy by ‘n stoplig stop, baie simpatie met ‘n
bedelaar gekry het, wat daar in die brandende son dag in dag uit staan en bedel
het. Hierdie ryk man het die bedelaar nie net ‘n paar rand gegee nie, maar
soveel dat hy nooit meer hoef te bedel nie. ‘n Maand later, toe die ryk man
weer by daardie stoplig stilhou, sien hy tot sy skok dat dieselfde bedelaar
weer daar staan en bedel. Dit het ook nie gelyk of daar aan sy uiterlik enige
verandering gekom het nie, inteendeel. Dis toe dat die ryk man besef dat ‘n
bedelaar se probleem veel groter is as net ‘n gebrek aan geld. Sy groot geskenk
aan die arm man het hom so lyk dit nie gehelp nie. Dit het hom eerder net nog
dieper in sy probleme van drank en dwelms ingehelp. Die ryk man het besef: geld
is nie vir hierdie bedelaar die antwoord nie. Hy moet opgeneem word in ‘n
kliniek of spesiale inrigting, waar hy onder streng maar liefdevolle
begeleiding van sy verslawings bevry kan word. En ook dit, al sou die ryk man
bereid wees om die kliniek se onkostes te betaal, sal eers dan ‘n kans hê om te
slaag, as die bedelaar self ook wil. As hy self bereid is om sy bestaan op
straat hiervoor in te ruil.
As hy self
insien dat hy op pad is na ‘n vroeë dood, as hy nie sy lewensstyl verander nie.
Ons kom nounou weer terug op hierdie voorbeeld.
Tema: Jy kan nie ‘n Christen wees sonder
goeie werke nie.
-
Christus vernuwe jou
-
Christus sorg dat jy ‘n positiewe
uitstraling het -
Christus sorg dat jy nie verder
weggly nie
-
Christus vernuwe jou
In die
inleiding het dit oor ‘n bedelaar gegaan. In hierdie eerste punt gaan dit oor
ons mense, in sonde verlore, oppad na die ewige dood. Sonder God se
barmhartigheid is dit ons voorland. Ons is gedoem tot ‘n ewige straf.Maar daar
was ‘n ryk man, God sy dank, wat ons ontmoet het. Hy het, skryf die Kategismus,
ons gekoop met sy bloed. ‘n Onbeskryflike groot offer het Hy gebring om ons
skuld af te koop. So het Hy ons vrygemaak. Danksy Hom is ons nie meer gedoem om
bedelaars te wees nie. Tot ‘n bestaan waarin ons steeds verder afgly in
verslawing en ellende, tot die dood, die ewige dood, volg nie. God sy dank. Christus
sy dank!Maar, vir ‘n
nuwe toekoms is daar nie net ‘n groot klomp geld nodig nie.Of, soos
antw. 86 sê: dit is nie net nodig dat Christus ons met sy bloed gekoop het nie.
Daar is meer nodig. Wat is nog nodig? Hier staan: Christus het ons nie net met
sy bloed gekoop nie, maar deur sy Heilige Gees vernuwe Hy ons ook tot sy
ewebeeld.Vir ‘n nuwe
lewe het ons dus meer nodig as sy bloed, ons het ook sy Gees nodig.Christus
koop ons nie net vry nie, Hy vernuwe ons ook deur sy Gees.Sy Gees maak
dit moontlik om ‘n nuwe, ‘n ander, ‘n beter lewe te begin lei.Soos Paulus
in 1 Korinthiërs 6:20 skryf: “Want julle is duur gekoop. Verheerlik God dan in
julle liggaam en in julle gees wat aan God behoort.”Christus het
ons nie net duur gekoop nie. Hy vernuwe ons ook.Omdat die
Gees van Christus, die Heilige Gees in ons kom woon het.In die tweede
punt gaan ons dieper in op hierdie nuwe lewe. -
Christus sorg dat jy ‘n positiewe
uitstraling hetOm ‘n
positiewe uitstraling te kan hê, is dit belangrik dat jy jouself liefhet.Ek bedoel
dit in Bybelse sin. Jesus sê byvoorbeeld oor die tweede tafel van die wet: Jy
moet jou naaste liefhê soos jouself. Wat Hy met hierdie woorde bedoel is
natuurlik dat jy jou naaste baie lief moet hê. Jy moet baie vir jou naaste
oorhê. En dus bedoel die Here Jesus ook, dis die ander kant van die muntstuk:
jy moet ook jouself liefhê. Jy moet ook vir jouself goed sorg.Dit is nie
iets wat in kompetisie is met die liefde vir jou naaste nie. Dit is die
noodaaklike begin. ‘n Bedelaar, wat aan drank en dwelms verslaaf is, het ‘n
negatiewe selfbeeld. Maar, omdat Christus ons vernuwe, omdat sy Gees in ons
woon, sorg Hy dat ons ‘n positiewe uitstraling begin kry.Hy sorg dat
ons goeie werke begin doen. Goeie werke mag nie agterweë bly nie. Nie as
betaling vir die skuld nie. Christus het reeds betaal.Maar omdat
die Gees in ons woon, kan en mag goeie werke nie uitbly nie.En so kry
ons, wat gedoem was tot die ewige dood, ‘n nuwe uitstraling.Ons het geen
uitstraling gehad nie, ons verdoemenis en uitsigloosheid het van ons gesigte
afgestraal, soos die doelloosheid en slegte selfbeeld van ‘n bedelaar se gesig
af te lese is. Maar Christus gee ons ‘n nuwe uitstraling.Ons leer
weer om onsself lief te hê. Om nie skaam vir onsself te wees, soos ‘n bedelaar
nie. Dit is, broer en suster, die gevolg van die werk van die Gees.Die
Kategismus sê: uit die vrugte is ons seker van ons geloof.Vrugte,
daarmee word bedoel: goeie werke.Dinge wat
ons nie gedog het ons sou kon doen nie. So word jou selfvertroue weer herstel,
jou eiewaarde. So kry jy weer
uitstraling! Jy begin jouself weer lief te kry, want jy besef dat God jou
liefhet. Soms sê mense: jou sit lekker in jou vel. As Christene kan ons veel
meer as dit sê: Ons kan sê dat ons vervul is met die Heilige Gees! Dit is
soveel meer en soveel ryker as om net self lekker in jou vel te sit. Die Gees gee
jou ‘n positiewe uitstraling.Dit kan nie
uitbly nie. Dit mag ook nie uitbly nie.Antwoord 86
noem ten slotte: sodat ons “deur ons godvresende lewe ons naaste ook vir
Christus kan wen.”Wat hiermee
bedoel word, is helder en duidelik, neem ek aan. Dit sou abnormaal wees, dat,
nadat Christus so veel aan ons gedoen het, dat daar niks aan die buitekant
sigbaar sou wees nie. Dan sou ons soos die bedelaar wees, wat ‘n groot klomp
geld van ‘n ryk man gekry het, maar wat dit nie gebruik om sy lewe te verbeter
nie, net om nog meer drank te kan koop.Christus het
soveel in ons belê. Nie eers goud of silwer nie, maar sy eie bloed. En ook sy
Gees woon in ons. Dus het Hy alle reg daarop om van ons ‘n positiewe
uitstraling te verwag. Dat ons deur ons Godvresende lewenswandel ons naaste vir
Christus wen. Goeie werke kan en mag nie uitbly nie. Nogmaals, nie om krediet
by God te verdien nie. Dis reeds in orde. Maar omdat goeie werke die
noodsaaklike gevolg is van ‘n lewe met Christus. Dit kan gewoon nie anders nie.
Hieraan kan u uself toets.Het u
uitstraling? U is gered uit die ellende, sonder enige verdienste van u kant. Maar
het u nou ook die daarby passende uitstraling?Vraag 86 vra
die vraag hoekom ons eintlik nog goeie werk moet doen.Ons kom weer
terug by die voorbeeld van die bedelaar. Goeie werke vir hom sou wees dat hy
die moontlikhede wat hom aangereik word, ook aangryp en gebruik. Dat hy die
helpende hand vat, wat hom sal lei na ‘n normale, stabiele, gesonde lewe, vry
van verslawings. As hy dit doen, sal dit nie onopgemerk bly vir ander bedelaars
nie. Dit sal oor en oor duidelik vir hulle wees, dat hy daadwerklik besig is om
uit sy ellende op te kruip.Sodanig dat
hulle jaloers sal word. Ook op soek sal gaan na hierdie ryk man, wat nie net
geld gee nie, maar die pad wys na ‘n kliniek, waar hulle gerehabiliteer kan
word.Gemeente,
dis wat dit beteken om ons naaste vir Christus te wen.Jesus sê in
Mattheüs 5:16 “Laat julle lig só skyn voor die mense, dat hulle julle goeie
werke kan sien en julle Vader wat in die hemele is, verheerlik.”Paulus sê
dieselfde in Romeine 14:18 “Want hy wat Christus hierin dien, is aan God
welgevallig en by die mense geag.”By die mense
geag wees, dit is die gevolg van ‘n positiewe uitstraling.Hulle sal,
danksy jou lewenswyse, jou hemelse Vader verheerlik.Dit bring
ons by die derde punt: -
Christus sorg dat jy nie verder
weggly nieJy kan nie
‘n Christen wees sonder goeie werke nie. Deur sy Gees stel Christus jou in
staat om goeie werke te doen. En nou is die oproep aan jou om dan ook aktief te
raak. Want kyk, ‘n mens is nie net ‘n objek, ‘n robot nie.Die ryk man
kon ook, toe hy by die stoplig stilgehou het, nie ‘n bedelaar langs die pad
gesien het nie, maar ‘n uitgebrande ou skedonk van ‘n motorkar. En die ryk man
kon by homself gedink het.As ek
hierdie ou skedonk saamvat huistoe, dit restoureer, dan sal dit weer waardevol
kan wees. Dan sal dit dalk selfs as ‘n troukar kan dien. En so gesê, so gedaan.
Maar gemeente, by ‘n bedelaar, wat ook ‘n mens is, werk dit anders. ‘n Mens
moet self ook sy medewerking verleen. So is mense deur God geskape, met ‘n eie
verantwoordelikheid. En dit is waaroor dit veral in vraag en antwoord 87 gaan. As
die mens net ‘n ding was, soos ‘n motorkar, dan was dit nie nodig dat v/a 87 in
die Kategismus gestaan het nie. Dan sou iemand wat in die kerk die vergewing
deur Christus se bloed ontvang het, en ook nog die Heilige Gees, outomaties en
vanself die goeie rigting in beweeg. Maar dis nie hoe dit werk nie. God wil dat
jy self ook vir Hom kies. Hy het vir
jou gekies, dit blyk uit alles. Maar nou verwag Hy jou antwoord. Hy verwag dat jy ook ja
sê vir Hom, en vir die nuwe lewe.Dink maar
aan hoe Josua die volk Israel voor die keuse gestel het:Kies dan
vandag! Vrees die HERE en dien Hom opreg en trou.Maar as dit
verkeerd is in julle oë om die HERE te dien, kies dan vandag, wie julle wil
dien: òf die afgode van julle vaders, òf die afgode van die Amoriete, maar ek
en my huis, ons sal die HERE dien! (Jos 24:15)God wil dat
u self vir Hom kies. Daarom hou ek aan u dieselfde klemmende keuse voor, as
Josua aan die volk Israel:Kies vandag
vir die HERE, kies bewus vir Hom!Gemeente,
weet u wat vir die HERE die ergste is? As Hy so baie in mense belê het, as Hy
so baie vir mense gedoen het, maar dit lyk asof dit geen uitwerking gehad het
nie. Of nog erger, as dit selfs ‘n omgekeerde uitwerking het. Dink weer aan die
ryk man wat die bedelaar uit sy ellende en skulde wou help. Toe hy hom ‘n paar
weke later weer ontmoet, het niks verander nie. Die situasie was selfs nog
erger! Met al die geld wat die bedelaar gekry het, kon hy nog veel meer drank
en dwelms koop!Hierdie
keersyde is dus ‘n reële werklikheid, gemeente. Die Kategismus vra die vraag: Kan
die mense dan gered word, wat in hulle goddelose, ondankbare lewe volhard en
hulle nie tot God bekeer nie? En die antwoord is dan glashelder: Nee, glad nie.
Christus wil nie dat ons verder weggly nie.U kan uself
goed voorstel dat die hulp van die ryk man aan die bedelaar ‘n omgekeerde
uitwerking sal hê, as die bedelaar nie self bereid is om te verander nie.Dan nou, kan
u uself voorstel dat ‘n kerklid wat nie bereid is om te breek met sy ou mens,
met sy ou gewoontes wat hoort by ‘n bedelaarsbestaan en nie by die nuwe lewe
uit die Gees nie, kan u uself voorstel dat so ‘n persoon veel gevaarliker is as
iemand wat goddeloos lewe, maar buite die kerk?Laat ons
elkeen in vrees en bewing voor God weer hierdie keuse maak.Kies vandag,
kies vir die lewe wat die Gees in jou werk. Jy kan en mag nie met jou ou lewe
aangaan nie. Dan sal jy die koninkryk van God nie sien of beërf nie. Daar moet ‘n nuwe lewe op gang kom. Ons wat
in die kerk opgegroei het, laat ons besef dat enkel kerklid wees ons nie gaan
red nie.Jou ou mens moet gekruisig word. Jy kan nie ‘n
Christen wees sonder goeie werke nie. Wie by Christus hoort, KAN NIE dieselfde
bly nie.En julle
hoort by Christus. Dis die blye Evangelie. God het eers vir u gekies.U is op sy
Seun ingeplant. U kan vrugte dra. U kan goeie werke doen.En wat vra
die HERE nou van jou?Dit: wees
bereid om te verander! Met jou ou mens kom jy nie in die hemel nie. Paulus
skryf dit baie mooi en indringend in Romeine 6:13:“moenie
julle lede stel tot beskikking van die sonde as werktuie van ongeregtigheid
nie, maar stel julleself tot beskikking van God as mense wat uit die dode
lewend geword het, en julle lede as werktuie van geregtigheid in die diens van
God.” Moenie jou lede – jou hande – gebruik om dinge te doen wat Christus verbied
nie. Moenie jou lede – jou voete – gebruik om êrens heen te gaan waar Christus
jou nie sal wil vind nie. Moenie jou lede – jou oë – gebruik om na dinge te kyk
wat jou nuwe lewe besoedel nie.Moenie jou
lede – jou ore – gebruik om na dinge te luister wat jou nuwe lewe benadeel nie.En so kan ek
aangaan.In antwoord
87 word ‘n aantal tipiese sondare genoem.Onkuise,
afgodedienaar, egbreker, dief, gierigaard, dronkaard, lasteraar, rower ...Voorbeelde
van oortreders van bepaalde gebooie van God. Ookal vind ons in hierdie rytjie
name van sondaars sommige gebooie nie terug nie, dink byvoorbeeld aan die 3e,
4e en 5e gbod. Die bedoeling is
duidelik.Die hele wet
is hier ter sprake. U word opgeroep tot ‘n lewe volgens al God se gebooie. U
word opgeroep om nie verder af te gly, noudat u deur Christus gehelp is nie. U
word opgeroep om ‘n positiewe uitstraling te hê.Oor ‘n
positiewe uitstraling handel die rytjie woorde wat ons in Galasiërs 5 vind:“Maar die
vrug van die Gees is liefde, blydskap, vrede, lankmoedigheid, vriendelikheid,
goedheid, getrouheid, sagmoedigheid, selfbeheersing. Teen sulke dinge is die
wet nie. Maar die wat aan Christus behoort, het die vlees met sy hartstogte en
begeerlikhede gekruisig. As ons deur die Gees lewe, laat ons ook deur die Gees
wandel.” (Gal 5: 22-25)Binnekort
sal u ‘n kategismuspreek hoor wat spesifiek oor goeie werke handel. Dan mag ons
hierdie nuwe lewe, hierdie positiewe uitstraling deur die Gees, nog verder
ondersoek. In elk geval is dit dus duidelik dat God se gebooie ‘n prominente
plek in die nuwe lewe inneem.Goeie werke
as ons offer van dankbaarheid. God se gebooie wys die rigting, hoe om ons lewe
as dankbaarheidsoffer vorm te gee. God maak dit self moontlik. En nou roep Hy u
daartoe op.Dink aan hoe
Hy ons oproep in 1 Petrus 2:5 “laat julle ook soos lewende stene opbou, tot ‘n
geestelike huis, ‘n heilige priesterdom, om geestelike offers te bring wat aan
God welgevallig is deur Jesus Christus.”Broer,
suster, Christus wil allermins dat u, noudat Hy u opgehef het, dat u weer teruggly,
of dalk nog erger. Wees ook self bedag daarop, want dit kan gebeur! Die Heilige
Gees waarsku ons in Hebreërs 10: “As iemand die wet van Moses verwerp het,
sterf hy sonder ontferming op die getuienis van twee of drie; hoeveel swaarder
straf, dink julle, sal hy verdien wat die Seun van God vertrap het en die bloed
van die testament waardeur hy geheilig is, onrein geag en die Gees van genade
gesmaad het?”Laat ons die
Gees van genade se werk in ons nie gering skat nie.Soos ons
hier in die kerk sit, weet ons wat reg is, ons weet wat die regte koers, die
regte pad is. As jy desondanks kies om soos die wêreld te lewe, wat die Gees
nie het nie, hoeveel swaarder straf sal jy nie ontvang nie.Inderdaad,
‘n baie swaarder straf.Wat hier in
Hebreërs staan, kan en moet ons ook toepas op ons gemeente Pretoria-Maranata. Jou
kerklidmaatskap, die verbond, gaan jou nie outomaties in die hemel bring nie. Daar
wag ‘n swaarder straf vir hulle wat, hoewel gewaarsku, aangaan in ‘n verkeerde
rigting. Broer, suster, as jou ouderling, of die predikant, of watter
gemeentelid ook, jou daarop attent maak, dat jy die onderlinge byeenkomste,
soos daar in 25 staan, nie moet versuim nie. Of as jy daarop gewys word dat jy
oorweldig mag word deur te veel drank nie. Of as jy daarop gewys word dat jy
nie soos die wêreld maak nie saak watter gebod mag oortree nie, en jy gaan tog
daarmee aan, hoeveel swaarder straf wag daar dan nie vir jou nie. Liewe broer
en suster, ek is ernstig, hierdie is nie net leë waarskuwings vanaf die
preekstoel nie.Moenie sy
werk in jou afrem nie. Moenie dit blus nie.Hy maak dit
moontlik dat jy ‘n positiewe uitstraling het. Sorg dat jy dit het.Bewaar jou
daarvoor dat die kerk as gevolg van jou optrede ‘n slegte naam kry. Bewaar jou
daarvoor dat die Heer van die kerk deur jou optrede gesmaad word.Vandag, in
die twee dienste, het die Gees weer voortgegaan om te bou, aan sy Geestelike
huis. Laat jou gewillig invoeg, nie as ‘n dooie steen nie, maar soos ‘n lewende
steen. Jy kan nie aan Christus en sy kerk behoort sonder goeie werke nie.Christus
vernuwe jou. Laat jouself vernuwe.Christus gee
jou ‘n nuwe uitstraling. Wys dit nou ook self.Christus
keer jou dat jy weer teruggly. Hou asseblief net sy hand vas.Amen.
(kyk in preek)